УПЦ, Храм Святого Равноапостольного Великого князя Владимира

Духовная литература

Страницы: 1, 2, 3, 4, 5                                                  Следующая>>


Книга "Все святые, молите Бога о нас"


Книга "Все святые, молите Бога о нас" (молитвословия Пресвятой Богородице и святым, имеющим благодать помогать нам в телесных и душевных болезнях и житейских невзгодах) - издательство "Светоч", 1998.


По благословению архиепископа Казанского и Татарстанского Анастасия


Все святые, молите Бога о нас


Верные христиане, обращаясь к различным святым в особенных своих нуждах, ожидают повторения от чудотворцев тех же первоявленных чудес и молитвенных предстательств за нас грешников пред Господом.


МОЛИТВА О ДАРОВАНИИ МОЛИТВЫ

     Многомилостиве Господи! Сподоби нас божественнаго дарования святой молитвы, изливающейся из глубины сердечной; собери расточенный наш ум, дабы всегда стремился он к Тебе, Создателю и Спасителю своему; сокруши разженныя стрелы лукаваго, отреваюшие нас от Тебя; угаси пламень помыслов сильнее огня пожирающий нас во время молитвы; осени нас благодатию Пресвятаго Твоего Духа, дабы до скончания нашей грешной жизни, Тебя Единаго любить всем сердцем, всею душею и мыслию и всею крепостию а ближних как самих себя и в час разлучения души нашей от бреннаго сего тела, о, Иисусе Сладчайший, приими в руце Твои дух наш, егда приидеши во Царствии Твоем. Аминь.


Молитвословия Пресвятой Богородице, скорой заступнице рода христианского


ПРЕД КАЗАНСКОЮ ИКОНОЮ БОЖИЕЙ МАТЕРИ

     О Пресвятая Госпоже Владычице Богородице! Со страхом, верою и любовию припадающе пред честною иконою Твоею, молим Тя: не отврати лица Твоего от прибегающих к Тебе, умоли милосердная Мати, Сына Твоего и Бога нашего, Господа Иисуса Христа, да сохранит мирну страну нашу, Церковь Свою Святую да незыблему соблюдет от неверия, ересей и раскола. Не имамы бо иныя помощи, не имамы иныя надежды, разве Тебе, Пречистая Дево; Ты еси всесильная христиан Помощница и Заступница. Избави всех с верою Тебе молящихся от падений греховных, от навета злых человек, от всяких искушений, скорбей, бед и от напрасныя смерти; даруй нам дух сокрушения, смирение сердца, чистоту помышлений, исправление греховныя жизни и оставление прегрешений, да вси благодарне воспевающе величия Твоя, сподобимся Небеснаго Царствия и тамо со всеми святыми прославим пречестное и великолепое Имя Отца, и Сына, и Святого Духа. Аминь.


ПРЕД ВЛАДИМИРСКОЮ ИКОНОЮ БОЖИЕЙ МАТЕРИ

     О Всемилостивая Госпоже Богородице, Небесная Царице, Всемощная Заступнице, непостыдное наше упование!
     Благодарим Тя о всех благодеяниих, Российским людем от Тебе бывших, от древле и доднесь чудотворныя иконы Твоея явленных. И ныне, Преблагая Владычице, призри на ны, грешныя и недостойныя рабы Твоя, яви нам милость Твою и моли Сына Твоего, Христа Бога нашего, о еже избавитися нам от всякаго зла, и сохранитися царствующим градом, всякому граду и веси и всей стране нашей от глада, губительства, труса, потопа, огня, меча, нашествия иноплеменик и междоусобный брани. Сохрани и умудри пастырей Церкве, еже достойно пасти стадо Христово и право правити слово истины; укрепи Христолюбивое Всероссийское воинсво, подаждь дух совета и разума военачальником, градоначальником и всем, иже во власти суть; низ поел и святое Твое благословение и всем православным христианам, поклоняющимся Ти и молящимся пред цельбоносною Твоею иконою. Буди нам Заступница и Ходатаица пред Престолом Всевышнего, идеже предстоиши. К кому убо прибегнем, аще не к Тебе, Владычице? Кому принесем слезы и воздыхания, аще не Тебе Пресвятая Богородице? Не имамы бо иныя помощи, не имамы иныя надежды, разве Тебе, Небесная Царице. Под Твой покров притекаем; молитвами Твоими низпосли нам мир, здравие, земли плодоносие, воздуха благорастворение, избави ны от всяких бед и скорбей, от всяких недугов и болезней, от внезапныя смерти и от всех озлоблений врагов видимых и невидимых. Вразуми и научи ны, о Всемилостивая Заступнице, путь земнаго сего жития безгрешно прейти. Ты веси немощи наша, веси и согрешения наша, но и веру веси, и упование видиши; темже даруй злая сердца наша. Укрепи в нас правую веру, сложи в сердца наша дух страха Божия, духблагочестия, дух смирения, терпения и любве, в добрых делех преуспеяние; избави же учений, от неверия, развращения и погибели вечныя. Тебе убо просим, Пречистая Владычице, и припадающее пред святою Твоею иконою, молимся: умилосердися на ны и помилуй ны, в страшный день суда ходатайством и заступлением Твоим сподоби ны стати одесную Сына Твоего , Христа Бога нашего, Емуже подобает всякая слава, честь и поклонение, со Безначальным Его Отцем, и Пресвятым и Благим и Единосущным Его Духом, ныне и присно и во веки веков. Аминь.


ПРЕД ИКОНОЮ БОЖИЕЙ МАТЕРИ, ИМЕНУЕМОЙ "ПРОЗРЕНИЕ ОЧЕС"

     О Пресвятая Госпоже Владычице Богородице! Приими недостойную молитву нашу, и сохрани всех нас, с верою и любовию покланяющихся пречистому образу Твоему, от навета злых человек и от внезапныя смерти, и даруй нам прежде конца покаяние. На моление наше умилосердися, и радость вместо печали даруй нам. Се бо, на Твой образ взирающе, яко живущей Ти с нами, молим Тя усердно: избави нас, о Мати всех скорбящих и обремененных, от всякия беды и напасти, скорби, болезни и печали и от всякаго зла. И сподоби ны, недостойныя рабы Твоя, одесную стати Сына Твоего, Христа Бога нашего, во втором и славнем Его пришествии, и наследники быти Царствия Небеснаго и жизни вечныя со всеми святыми в безконечныя веки веков. Аминь.


ПРЕД ИКОНОЮ БОЖИЕЙ МАТЕРИ, ИМЕНУЕМОЙ "СКОРОПОСЛУШНИЦА"

     О Пресвятая Дево, Мати Господа Вышняго, скоропослушная Заступнице всех, к Тебе с верою прибегающих! Призри с высоты Небесиаго величия Твоего на мя непотребнаго, ко святей иконе Твоей приподающа: услыши скоро смиренную молитву мене грешнаго и принеси ю к Сыну Твоему, умоли Его, да озарит мрачную душу мою светом Божественныя благодати Своея и очистит ум мой от помыслов суетных, да умирит страждущее мое сердце и исцелит раны его, да вразумит мя на добрая дела и укрепит работати ему со страхом, да простит вся содеянная мною злая, да избавит от вечныя муки и не лишит Небеснаго Своего Царствия. О Преблагосвловенная Богородице! Ты благоизволила еси нарещися во образе Твоем "Скоропослушница", по велевающи всем притекати к Тебе с верою: не презри убо мене скорбнаго и не попусти погибнути мне в бездне грехов моих. На Тя по Боже все мое упование и надежда спасения, и Твоему покрову и представительству вручаю себе во веки веков. Аминь.


ПРЕД ИКОНОЮ БОЖИЕЙ МАТЕРИ, ИМЕНУЕМОЙ "СПОРУЧНИЦА ГРЕШНЫХ"

     Царице моя Преблагая, надежде моя Богородице, споручнице грешных, прибежище сирых и странных предстательнице, скорбящих радосте, обидимых покровительнице! Зриши мою беду, зриши мою скорбь: помози ми яко немощну, направи мя яко странна. Обиду мою веси, разреши ту, яко же волиши. Яко не имам иныя помощи разве Тебе, ни иныя представительницы, ни благия утешительницы, токмо Тебе, о Богомати, яко да сохраниши мя и покрыеши во веки веков. Аминь.


ПРЕД ФЕОДОРОВСКОЮ ИКОНОЮ БОЖИЕЙ МАТЕРИ

     О Премилосердная Госпоже, Царице Богородице! Приими смиренное моление наше, и не отрини нас, заступление и прибежище наше, и не возгнушайся нас не достойных, но, яко милосердая Мати, непрестани молящи, Егоже родила еси, да дарует нам прощения многих согрешений наших, да спасет нас имиже весть судьбами. Помилуй нас, Владычице, помилуй нас, несть бо нам спасения от дел. Темже верно вопием Ти: помилуй рабы Твоя (имя рек) и неплодное сердце наше покажи плодоносно делы благими. Призри на нас недостойных, Ты бо еси упование и покров наш, жизнь и свет сердцу нашему. Яко невечерний свет от чрева Твоего воздвигшая, озари душу нашу, и отжени всякую мглу от сердца нашего. Даруй нам умиление, покаяние и сокрушение сердечное. Сподоби нас во вся дни жизни нашея творити волю Сына Твоего И Бога нашего и во всем благоугождати Ему единому. О Богомати! Не престани молящи Рождшагося от Тебе за вся притекоющия с верою к сему святому образу Твоему, и подавай им скорую помощь и утешение в скорбех и напастех и злостраданиих, избави их от клеветы и злобы человеческия, от враг видимых и невидимых и всякия нужды и печали. Спаси Отечество наше, град сей и вся грады и страны от всяких бед и нужд и сотвори милостива нам быти Бога нашего, отврати всякий гнев Его, на ны движимый, избави ны от належащаго и праведнаго Его прощения. О Боголюбивая Владычице, Ангелов украшение, мучеников славо и свех святых радосте! С ними моли Господа, да сподобит нас в покаянии скончати жизни нашея течение. В смерти же час, Пресвятая Дево, избави нас от власти бесовския, и осуждения, и ответа, и страшнаго испытания, и мытарств горьких, и огня вечнаго, да сподобльшеся славнаго Царствия от Тебе Христа Бога нашего, Емуже слава со Отцем и Святым Духом, ныне и присно и во веки веков. Аминь.


ПРЕД ТИХВИНСКОЮ ИКОНОЮ БОЖИЕЙ МАТЕРИ

     О Пресвятая Госпоже Владычице Богородице! Приими недостойную молитву нашу, и сохрани нас от навета злых человек, от внезапныя смерти, и даруй нам, прежде конца покаяние. На моление наше умилосердися, и радость вместо печали даруй. И избави нас, Госпоже, от всякия беды и напасти, скорби и болезни и всякаго зла. И сподоби ны, грешныя рабы Твоя, Христа Бога нашего, и наследники быти Царствия Небеснаго и жизни вечныя со всеми святыми в бесконечныя веки веков. Аминь.


ПРЕД СМОЛЕНСКОЮ ИКОНОЮ БОЖИЕЙ МАТЕРИ, ИМЕНУЕМОЙ "ОДИГИТРИЯ"

     О Пречудная и Превышшая всех тварей Царице Богородице, Небесного Царя Христа Бога нашего Мати, Пресвятая Одигитрие Марие! Услыши ны грешныя и недостойныя в час сей молящияся и к Тебе со воздыханием и слезами пред пречистым образом Твоим припадающия и сеце умильно глаголющия: изведи нас от рова страстей, Одигитрие Благая, избави нас от всяких скорби и печали, огради от всякия напасти и злых клевет и от неправеднаго навета вражия. Можеши бо, о Благодатная Мати наша, не точию от всякаго зла сохрани люди Твоя, но и всяким благодеянием снабдити и спасти. Разве бо Тебе иныя предстательницы в бедах и обстояниих и теплыя Ходатаицы о нас грешных к Сыну Твоему, Христу Богу нашему, не имамы. Егоже умоли, Владычице, спасти нас и Царствия Небеснаго сподобити, да спасении Тобою славим Тя и в будущем веце, якоже спасения нашего Виновницу и превозносим всесвятое и великолепое имя Отца и Сына и Святого Духа, в Троице славимаго и поклоняемаго Бога, во веки веков. Аминь.


ПРЕД ИКОНОЮ БОЖИЕЙ МАТЕРИ ИМЕНУЕМОЙ "ТРОЕРУЧИЦЕЮ"

     О Пресвятая Госпоже Владычице Богородице, велие чудо святому Иоанну Дамаскину явившая, яко веру истинную надежду несумненную показавшему! Услыши нас, грешных, предчудотворною Твоею иконою усердно молящихся и просящих Твоя помощи: не отрини моления сего многих ради прегрешений наших, но, яко Мати милосердия и щедрот, избави нас от болезней, скорбен и печалей, прости содеянныя нами грехи, исполни радости и веселия всех, чтущих святую икону Твою, да радостно воспоем и любовию прославим имя Твое, яко Ты еси от всех родов избранная и благословенная во веки веков. Аминь.


ПРЕД ИКОНОЮ БОЖИЕЙ МАТЕРИ, ИМЕНУЕМОЙ "ВЗЫСКАНИЕ ПОГИБШИХ", ИЛИ "ИЗБАВЛЕНИЕ ОТ БЕД СТРАЖДУЮЩИХ"

     О Владычице Преблагословенная, Защитнице рода христианскаго, прибежище и спасение прибегающих к Тебе!
     Вем, воистину вем, яко зело согреших и прогневах премилостивая Госпоже, рожден наго плотию от Тебе Сына Божия. Но имам многия образы прежде мене прогневавших Его милосердие: мытари, блудницы и прочия грешники, имже дадеся прощение грехов их покаяния ради и исповедания. Тыя убо образы помилованных очесем грешныя души моея представляя и на толикое Божие милосердие, оныя приимшее, взирая, дерзнух и аз грешный прибегнути с покаянием ко Твоему благосердию.
     О Всемилостивоя Владычице!
     Подаждь ми руку помощи и испроси у Сына Твоего и Бога матерними и святейшими Твоими молитвами тяжким моим грехом прощение.
     Верую и исповедую, яко Той, Егоже родила еси, Сын Твой есть воистину Христос, Сын Бога живаго Судия живых и мертвых, воздаяй комуждо по делом его; верую же поки и исповедую Тебе быти истинную Богородицу, милосердия источник, утешение плачущих, взыскание погибших, сильную и непрестающую к Богу ходатаицу, зело любящую род христионский и споручницу покаяния; воистину бо несть нам иныя помощи и покрова, разве Тебе, Госпоже Премилостивая, и никтоже, уповая на Тя постыдеся когда и, Тобою умоляя Бога, никтоже оставлен бысть.
     Того ради и аз Твою неисчетную благодать молю: отверзи двери милосердия Твоего мне не заблудшему и падшему в тимение глубины, не возгнушайся мене сквернаго, не остави мене окаяннаго, яко в погибель злобный враг похитити мя ищет, но умоли о мне рожденнаго от Тебе милосерднаго Сына Твоего и бога, да простит великия моя грехи и избавит мя от пагубы моея, яко да и аз, со всеми получившими прощение, воспою и прославлю безмерное милосердие Божие и Твое непостыдное о мне заступление в жизни сей и в нескончаемем веце. Аминь.


ПРЕД ИКОНОЮ БОЖИЕЙ МАТЕРИ, ИМЕНУЕМОЙ "НЕЧАЯННАЯ РАДОСТЬ"

     О Пресвятая Дево, всеблагаго Сына Мати Всеблагая, царствующаго града и святаго храма сего покрове, всех сущих во гресех и скорбех, бедах же и болезнех верная предстательнице и заступнице!
     Приими молебное пение сие от нас, недостойных раб Твоих, Тебе возносимое, и, якоже древле грешника, на всяк день многажде пред честною иконою Твоею молившегося, не презрела си, но нечаянную радость покаяния тому даровала си, и усердным к Сыну Твоему ходатайством Сего ко прощению грешника преклонила си, так и ныне не презри молния нас, недостойных раб Твоих, но умоли Сына Твоего и Бога нашего, да и всем нам, с верою и умилением пред цельбоносным образом Твоим покланяющимся, по коегождо потребе нечаянную радость дарует:
     грешником, во глубине зол и страстей углебающим вседейственное вразумление, покаяние же и спасение;
     сущим в скорбех и печалех - утешение;
     в бедах и озлоблениих пребывающим - совершенное сих избытие;
     малодушным и ненадежным - надежду и терпение;
     в радости и изобилии живущим - непрестанное Благодетелю благодарение; бедствующим - милость;
     сущим в болезни - исцеление и укрепление;
     иждившим от недуга ум - ума возвращение и обновление;
     отходящим в вечную и нескончаемую жизнь - память смертную, умиление и о гресех сокрушение, дух бодр и твердую на милосердие Судии надежду.
     О Госпоже Пресвятая! Умилосердися ко всем чтущим всечестное имя Твое, и всем яви всемощный покров Твой и заступление:
     во благочестии, чистоте и честнем жительстве пребывающия да последняго их скончания во благости соблюди;
     злая благи сотвори;
     заблудшия на путь правый настави;
     всякому делу благому и Сыну Твоему угодному споспешествуй;
     всякое злое и богопротивное начинание разруши;
     в недоумении и злых обстояниих сущим незримую помощь и вразумление с небесе низпосли;
     от искушений, соблазнов и погибели спаси, от всех злых люди Твоя защити и сохрани;
     плавающим сплавай;
     путешествующим спутешествуй;
     сущим в нужде и гладе буди питательница;
     неимущим крова и пристанища буди покров и прибежище;
     нагим подаждь одеяние, обидимым и неправедно гонимым заступление;
     клевету, поношение и хуление терпящим незримо оправдай;
     клеветники и хулители пред всеми обличи;
     ожесточенно враждующим подаждь примирение и всем нам друг ко другу любовь и мир, благочестие же и здравие со долгоденствием.
     Супружества в любви и единомыслии сохрани, супруги, во вражде и разделении сущия, умири;
     матерем, дети родящим, скорое подаждь разрешение;
     младенцы - воспитай, юныя уцеломудри, отверзи им ум к восприятию всякаго полезнаго учения, страху Божию и воздержанию и трудолюбию настави;
     от домашния свары единокровныя люди миром и любовию огради;
     сиротам буди Мати, от всякаго порока и скверны отврати я и всему благому и Богоугодному научи;
     прельщенныя же и во грех и в нечистоту падшия из бездны погибели изведи;
     вдовицам буди утешительница и помошница, старости буди жезл;
     от внезапныя смерти без покаяния всех нас избави и всем нам христианскую кончину жизни нашея безболезненну, непостыдну, мирну и добрый ответ на Страшнем Суде Христове даруй;
     преставльшияся в вере и покаянии от жития сего со ангелы и всеми святыми сотвори;
     скончавшимся внезапною смертию милостива быти Сына Твоего умоли и о всех усопших, паче же о сих, иже не имут сродников, о упокоении их молящихся Сама буди непрестанная и теплая молитвенница и ходатаица; да вси на небеси и на земли ведят Тя яко твердую и непостыдную Предстательницу рода христианского и, сие ведуще, славят Тя и Тобою Сына Твоего со безначальным Его Отцем и единосущным Его Духом, ныне и присно и во веки веков. Аминь.


ПРЕД ИКОНОЮ БОЖИЕЙ МАТЕРИ, ИМЕНУЕМОЙ "НЕУПИВАЕМАЯ ЧАША"

     О, премилосердная Владычице! К Твоему заступлению ныне прибегаем, молений наших не презри, но милостиво услыши нас: жен, детей матерей и тяжким недугом пианства одержимых, и того ради от матери своея - Церкви Христовой и спасения отпадающих, братии и сестер и сродник наших исцели.
     О, милостивая Мати Божия коснись сердец их с вскоро возстави от падений греховных, ко спасительному воздержанию приведи их.
     Умоли Сына Своего, Христа Бога нашего, да простит нам согрешения наша и не отвратит милости Своея от людей Своих, но да укрепит нас в трезвении и целомудрии.
     Приими, Пресвятая Богородице, молитвы матерей, о чадех своих слезы проливающих, жен, о мужех своих рыдающих, чад, сирых и убогих, заблуждшими оставленных, и всех нас, к иконе Твоей припадающих. И да приидет сей вопль наш, молитвами Твоими, ко престолу Всевышняго.
     Покрый и соблюди нас от лукавого ловления и всех козней вражиих, в страшный же час исхода нашего помози пройти непреткновенно воздушная мытарства, молитвами Твоими избави нас вечнаго осуждения, да покрыет нас милость Божия в нескончаемыя веки веков. Аминь.


ПРЕД ДОНСКОЮ ИКОНОЮ БОЖИЕЙ МАТЕРИ

     О Всемилостивая Мати Пречистая Дево Богородице! Услыши и приими моление мое. Призри на язвы души и тела моего, греси юности, забвеннии и утаеннии, отягчают совесть мою, омый мя струями слезными, сними бремя тяжкое, укрепи мя, да сотворю плоды достойныя покаяния. Тернием скорбей усыпан есть путь мой. Вем, яко правда Божия накажет мя, умоли милосердие Божие о мне. Призри на стенание мое, и исправи пути мой, и спаси мя и чада и ближния моя. Буди ми сокравище веры и Хранительнища благочестия. Даруй несокрушимое терпение в бедах, от веры проистекающее. Изгони гнев, зависть, уныние, памятозлобие, нечистоту, леность; си ми и большими пороки недугует душа моя! Примири враждующих, оправдай оклеветанных, просвети нас, Владычице, светом Сына Своего и даждь нам глаголати другом и чадом своим слово истины, двердое в правде, мирное любве ради, растворенное благоразумием, посети в болезнех и печалех сущих, да вси, под державным покровом Твоим сохраняеми, безбедно Царствия Небесного достигнем, хвалу воздающе за вся Человеколюбцу Богу всегда, ныне и присно и во веки веков. Аминь.


ПРЕД ПОЧАЕВСКОЮ ИКОНОЮ БОЖИЕЙ МАТЕРИ

     К Тебе, о Богомати, молитвенно притекаем мы, грешнии, чудеса Твоя во Святей Лавре Почаевстей явленныя поминающе и о своих сокрушающеся прегрешениих. Вемы, Владычице, вемы, яко не подобаше нам грешным чесого просити, токмо о еже Прааведному Судии беззакония наша оставите нам. Вся бо, нами в житии претерпенная, скорби же и нужды и болезни, яко плоды падений наших прозябоша нам, Богу сия на исправления наше попущающу. Темже вся сия истиною и судом Своим наведе Господь на грешныя рабы Своя, иже в печалех своих к заступлению Твоему, Пречистая, притекоша, и во умиление сердец к Тебе взывают сице: грехов и беззаконий наших, Благая, не помяни, но паче всечестныя руце Твоя воздвигши, к Сыну Твоему и Богу предстани, да люте содеянная нами отпустит нам, да, за премногая неисполненная обещания наша, лица Своего от рабов Своих не отвратит, во благодати Своея, спасению нашему пособствующия, от душ наших не отымет. Ей, Владычице, буди спасению нашему Ходатаица, и малодушия нашего не возгнушавшися, призри на стенания наша, яже в бедах и скорбех наших пред чудотворным Твоим образом возносим. Просвети умиленными помыслы умы наша, веру нашу укрепи, надежду утверди, любве сладчайший дар сподоби нас прияти. Сими и скорбьми живот наш ко спасению да возводится, но от уныния и отчаяния души наша ограждающи, избави нас маломощных от находящих на ны бед и нужд, и клеветы человеческия, и болезней нестерпимых. Даруй мир и благоустроение жетельству христианскому предстательством Твоим, Владычице; утверди православную веру во стране нашей и во всем мере. Церковь Апостольскую и Соборную умалению не предаждь, уставы святых отец навеки непоколебимы сохрани, и всех к Тебе притекающих от рова погибельнаго спаси. Еще же и ересию прельщенных братии наших, или веру спасительную во греховных страстех погубивших, паки ко истинней вере и покаянию приведи да вкупе с нами Твоему чудотворному образу поклоняющеся, Твое предстательство исповедят. Сподоби убо нас, Пресвятая Госпоже Богородице, еще в животе сем победу истины Твоим заступлением узрети; сподоби нас благодатную радость прежде кончины нашея восприяти, якоже древле насельники почаевския Твоим явлением победителей и просветителей агарян показала еси, да вси мы, благодарным сердцем вкупе со Ангелы и пророки и Апостолы и со всеми святыми Твое милосердие прославляюще, воздадим славу, честь и поклонение в Троице певаемому Богу, Отцу и Сыну и Святому Духу, во веки веков. Аминь.


ПРЕД ГРУЗИНСКОЮ ИКОНОЮ БОЖИЕЙ МАТЕРИ

     К Тебе, Богоизбранная Отроковице, Пресвятая Дево Богородице, небесе и земли Царице, припадающе вопием: услыши молений наших глас и не отврати лица Твоего от нас недостойных. Приими, Всеблагая, от недостойных раб Твоих, чтущих всечестное имя Твое, и с верою покланяющихся Тебе пред чудотворным Твоим образом, приносимое ныне теплое моление наше: вознесие к престолу Сына Твоего, Христа Бога нашего, да милостив будет к неправдам нашим и не воздаст нам по делом нашим, но да пробавит щедроты Своя. Вемы, яко несмы достойни, по грехом нашим, от Него помиловани быти, аще не Ты, Владычице, умолиши Его о нас: вся бо можеши испросити у Него, матернее бо к Нему имаши дерзновение. Сего ради к Тебе, яко всемощней и всеблагой Заступнице нашей прибегаем, усердно молящеся: испроси у рождшагося от Тебе Единороднаго Сына Божия, Христа Бога нашего, всем нам в святоотечестей православней вере твердое, до конца дни и наших пребывание и во всех заповедех Господних неуклонное хождение, да прочее время живота нашего поживше во всяком благочестии и чистоте, сподобимся мирныя христианския кончины и добраго ответа на страшнем суде Сына Твоего и Бога нашего. И тако достигнем, под кровом Твоея помощи, живота вечнаго во Царствии Отца Светов, Ему же, купно со Единородным Его Сыном и Святым Духом, ныне и присно и во веки веков. Аминь.

Духовная литература

Страницы: 1, 2, 3, 4, 5                                                  Следующая>>

УПЦ, Храм Св. Владимира, 2002-2006